Për herë të parë në 24 orë nuk është paraqitur asnjë i sëmurë me Covid-19 në Shërbimin e Urgjencës së Sëmundjeve Infektive në Tiranë që prej marsit të vitit 2020.
Kryeministri shqiptar, Edi Rama ka thënë se ky është një lajm shumë i mirë, shkruan Reporteri.net.
“LAJM I BUKUR
Sapo kanë kaluar 24 ORËT E PARA pa asnjë të sëmurë me Covid të paraqitur në dyert e Spitalit Infektiv qysh nga marsi i vitit 2020”, ka shkuar Rama.
Edhe mjeku infeksionit Tritan Kalo ka thënë se Shqipëria e ka fituar këtë betejë me “flamën mbarëbotërore”, por është ende shpejt për të folur me siguri dhe bën thirrje për vazhdimin e respektimit të masave anti-Covid.
Mjeku Kalo gjithashtu bën thirrje për një vaksinim masiv, sepse thotë ai se kjo i ndihmon Shqipërisë që sa më shpejt të dalë nga ky tunel.