Një aksident i rëndë në punë i ka marrë jetën një shqiptari në Itali. Mediat shkruajnë se ngjarja ka ndodhur gjatë ditës së sotme në provincën e Leçes.

Sipas raportimeve, 42-vjeçari shqiptar me inicialet F. C., ishte duke punuar në një pemë, kur ka humbur ekuilibrin dhe ka rënë me kokë në tokë.

Shqiptari jetonte në Taviano dhe ishte duke punuar në gjelbërimin e një ambienti të një lokali.

Fatkeqësisht, shqiptari ka rënë me kokë në tokë dhe ka humbur jetën në vend.

Po hetohet në lidhje me masat e sigurisë në punë.