Gëzim Sinani, babai i 43-vjeçarit Roland Sinani që vrau kunatën e më pas veten, është shprehur se nuk e ka prekur armën e krimit, duke shtuar se nuk e ka ditur më herët që djali i tij kishte një armë.

“Absolutisht jo, unë jam i vjetër, kam bërë ushtri, kam bërë zbor. Unë i di rregullat e ushtrisë nuk mund të lëvizja armën. Se dija që kishte armë. Unë nuk e kam prekur armën me dorë se i di rregullat aq mirë sa s’ka. Në raste të tilla duhen doreza”, ka thënë babai i Roland Sinanit për Euronews.

Arma e krimit u gjet disa metra larg trupit të viktimës dhe hetuesit kanë dyshime se është zhvendosur nga babai i autorit i cili mësohet se vuan nga skleroza.