Një 45-vjeçare me iniciale A.T., është proceduar në gjendje të lirë nga policia e Kurbinit, pasi ndezi zjarr në tokë të saj, dhe nuk e tregua e kujdesshme.

Gruas i kanë dalë flakët jashtë kontrollit dhe për pasojë janë djegur ullishte në kodrën e fshatit Zhejë.

Akuza që rëndon mbi të është “shkatërrim prone nga pakujdesia”.

Njoftimi i policisë / Kurbin

Vijon puna për vënien para përgjegjësisë ligjore të autorëve të zjarrvënieve. Policia procedon penalisht një shtetase për shkatërrim prone nga pakujdesia.

Specialistët për Hetimin e Krimeve në Komisariatin e Policisë Kurbin proceduan penalisht në gjendje të lirë shtetasen A.T.,45 vjeçe, banuese në fshatin Zhejë, Kurbin.

Procedimi ndaj kësaj shtetase filloi pasi në fshatin Zhejë, ka ndezur zjarr në tokën e saj dhe i ka dalë jashtë kontrollit duke djegur ullishte në kodrën e fshatit.

Materialet i kaluan Prokurorisë pranë Gjykatës së Shkallës së Parë Kurbin, për veprën penale “Shkatërrimi i pronës nga pakujdesia”.