Një aksident tragjik ndodhi rreth orës 16:00 në aksin rrugor Sarandë-Gjirokastër.

Një furgon pasagjerësh ka dalë nga rruga dhe ka përfunduar në humnerë.

Për pasojë kanë humbur jetën pesë pasagjerë, mes të cilëve edhe drejtuesi i mjetit, B.P, nga Saranda.

Policia raportoi fillimisht për 4 viktima, por një i plagosur ndërroi jetë më pas. Viktimat janë dy gra dhe tre burra.

Shkalla e dëmtimit të mjetit, pas disa rrotullimeve, e bën të vështirë nxjerrjen e viktimave dhe të plagosurve.

Në vendin ku është rrëzuar furgoni nuk ka patur barriera mbrojtëse. Shkak ka qenë rrëshqitja përplasja me një mjet tjetër.

Në vendin e ngjarjes ka ekipe të emergjencës dhe policisë.

Të plagosurit janë transportuar në spitalin e Gjirokastrës.

https://www.youtube.com/watch?v=S4H1EszjA_o