Një aksident tragjik ka ndodhur mëngjesin e sotëm në Durrës, ku raportohet se ka humbur jetën një 60 vjeçar.

Burime zyrtare bëjnë me dije se ngjarja e rëndë është regjistruar në orën 05:20 të mëngjesit të sotëm në autostradën Durrës-Tiranës.

Mësohet se 60-vjeçari me inicialet K.M..ka qenë duke kaluar rrugën, në momentin që është përplasur nga një mjet me drejtues një 71-vjeçar.

“Specialistët e Qarkullimit Rrugor në DVP Durrës, arrestuan në flagrancë shtetasin N. K., 71 vjeç, banues në Kavajë, pasi ditën e sotme, në orën 05:20, në autostradën Durrës-Tiranë, duke drejtuar mjetin tip “Benz”, ka aksidentuar këmbësorin shtetasin K. M., 60 vjeç, i cili si pasojë e përplasjes ka ndërruar jetë”, bën me dije policia.

Trupi i të ndjerit është dërguar në morg, ndërsa drejtuesi i mjetit është shoqëruar në polici.