Anëtari i Kolegjiumit të gazetës Dita, një nga bashkëpunëtorët tanë më të çmuar, akademiku Moikom Zeqo, prej disa ditësh ndodhet i shtruar në spitalin “Nënë Tereza” në Tiranë.

Moikomi i është nënshtruar një terapie intensive, për shkak të rëndimit të gjëndjes shëndetësore.

Ai vuan prej disa kohësh nga një sëmundje e rëndë.

Në këto momente të vështira që po kalon ky njeri me vlera të jashtëzakonshme, erudit dhe me kontribut të spikatur në shumë fusha, i janë gjendur pranë shumë miq e shokë dhe kolegë.

Janë të pambarimtë ata që i kanë telefonuar dhe dërguar mesazhe nga të katër anët e vendit.

Moikomi në këto momente kritike ka shumë nevojë për këtë mbështetje shpirtërore që i kanë dhënë e po japin dashamirët e tij të shumtë.