Një aksident tragjik ka ndodhur mbrëmjen e sotme aksin rrugor Fier Ballsh, në afërsi të vendit që njihet si Ura e Ballshit.

Burime për Ora News, bëjnë me dije se për pasojë ka humbur jetën një person dhe është plagosur një tjetër.

Të dy udhëtonin me motor kur janë përplasur nga një makinë tip “Ford”.

Identiteti i tyre nuk dihet ende, por mësohet se viktima është i moshës 16 vjeç dhe i plagosuri 18.

Ky i fundit është dërguar në spital për mjekim me fraktura të rënda.

Kalimtarë të rastit kanë pohuar se trupi i viktimës është gjymtuar.

Rrethanat e aksidentit nuk dihen ende ndërsa pritet një njoftim zyrtar nga policia.