Policia e Shqipërisë kanë arritur të arrestojnë një 52 vjeçar i cili e kishte mashtruar një biznesmen duke ia marrë 70 mijë euro.

Sipas Policisë, 52-vjeçari përdorte rrjetet sociale për t’iu kërkuar shuma të mëdha parash biznesmenëve, pasi iu prezantohej atyre si zyrtar i lartë i një institucioni shtetëror.

Në këtë mënyrë policia ka arritur ti sekuestrojë 70 000 euro, një automjet dhe një aparat celular.

“Gjatë operacionit policor të koduar “Arkitekti”, shërbimet e Policisë kanë kapur në flagrancë shtetasin Sh. H., 52 vjeç, banues në Tiranë, gjatë kohës që po i merrte shumën 70 000 euro, një shtetasi (biznesmen), të cilin e kishte mashtruar në komunikimet në rrjetet sociale, duke iu prezantuar si zyrtar i lartë i një institucioni shtetëror. Shuma 70 000 euro u sekuestrua në cilësinë e provës materiale, së bashku me një automjet dhe një aparat celular”, thuhet në njoftim të policisë.

Materialet i kanë kaluar Prokurorisë së Tiranës, për veprën penale “Mashtrimi”.