Një 52-vjeçar është arrestuar në Tiranë pasi u zbulua se po e mbante që 6 vjet familjen të ngujuar, gruan dhe dy fëmijët e mitur, si dhe i dhunonte ata.

Në bashkëpunim me drejtorinë e antiterrorit, policia në Tiranë e arrestoi 52-vjeçarin, të cilit në banesë iu gjet edhe municion luftarak. Gjatë kontrollit në oborr, iu gjetën 700 fishekë luftarakë dhe krehër automatiku.

I dënuar më parë për armëmbajtje pa leje Xh.L., mbante të mbyllur prej 6 vjetësh duke i dhunuar sistematikisht dhe kërcënuar me armë të ftohta, bashkëshorten dhe dy fëmijët e mitur, të cilët nuk i lejonte të frekuentonin shkollën, për shkak të bindjeve të tij radikale./TCh