Një sasi e madhe e madhe e lëndës narkotike është sekuestruar në kufirin shqiptaro-grek, prej 167.5 kg kanabis u zbulua sot në Thesprotia të Greqisë.

Kanabisi ishte fshehur poshtë një peme, ndërsa u zbulua nga 2 qen anti-drogë.

Një shqiptar është arrestuar lidhur me ngjarjen, ndërsa vazhdojnë hetimet për zbulimin e rrjetit të trafikut.

Pas verifikimeve, autoritetet greke zbuluan se shqiptari kishte hyrë ilegalisht në Greqi dhe nuk kishte leje qëndrimi.

Lënda narkotike ishte e ndarë në 6 çanta, brenda së cilave kishte 83 pako gati për shitje. Gjithashtu u sekuestruan thika, dylbi me të cilat trafikantët kontrollonin zonën, por edhe sende të tjera me vlerë për hetimin.