Rreth 7 tonë produkte bujqësore shqiptare janë asgjësuar nga autoritetet greke, pasi kanë mbërritur në portin e Pireut.

Mediat greke shkruajnë pasditen e sotme, se bëhet për 6,995 kg perime të asgjësuara.

Pas kontrolleve Fitosanitare nga ana e Departamentit të ë Ekonomisë Rurale dhe Veterinarisë së Pireut në bashkëpunim me Qendrën Rajonale për Mbrojtjen e Bimëve, u vendos asgjësimi i tyre për shkak se kishin përqendrime mbi kufijtë e lejuar të produkteve të mbrojtjes së bimëve.

Perimet e asgjësuara janë speca, kunguj të njomë, domate, etj.

Në veçanti u shkatërruan:

-401 kartonë me speca që peshojnë 4,687 kg,

-250 kartonë kungull i njomë që peshojnë 1,751 kg dhe

-67 kartonë domate qershi me peshë 557 kg.