Kreu i Rithemelimit Sali Berisha u është drejtuar ndjekësve të tij në mediat sociale me një video-mesazh me rastin e 79-vjetorit të tij.

Berisha thotë se në këtë 79-vjetor ndihet i motivuar në rrugën që ndjek prej vitesh, njëlloj si në ditën e parë.

“Sot 79 vjeç!

Miq, nis kështu një vit tjetër në vjeshtën e bukur të jetes time. Lavdi Zotit, ndihem i motivuar dhe besimplotë në rrugën tonë, njëlloj si në fillimet e saj.

Mirënjohje të pafundme, Lilit, fëmijëve, familjarëve të mi që kanë sakrifikuar aq shumë per mua, të gjithë miqve, bashkëpunëtorëve dhe mbështetësve që me miqësinë, bashkëpunimin, frymëzimin dhe ndihmën e tyre fort të çmuar, kanë kthyer në numra vitet e udhëtimit tim”, shkruan Berisha.