Ish-kryeministri i Shqipërisë Sali Berisha ka mbërritur tek Prokuroria e Tiranës.

Ka qenë ky institucion i drejtësisë që ka dërguar një thirrje për ish liderin historik të PD-së, për ta marrë në pyetje lidhur me protestën e 8 janarit ku u panë shumë akte dhune.

Prokuroria e Tiranës ka bërë me dije se ish-kryeministri Berisha ka deklaruar se do të informojë mediat për gjithçka do ndodhë në hetuesi.

“Ju ftoj se sapo të dal nga dera e Prokurorisë do t’ju informoj ju hollësisht. Basha është një vegël i qeverisë, aty thirrem nga Rama unë jo nga Basha. Unë mendoj se duhet tu kërkonte të falur dhe të ndëshkonte policinë, kishte ndaluar njerëz të pafajshëm”, tha ish-kryeministri.