Sot ka vdekur në moshën 55 vjeçare ish-presidenti i Shqipërisë, Bujar Nishani.

Kreu i PD-së, Sali Berisha shkroi se Nishani ishte ikonë e vlerave të larta morale të njeriut, ndershmërisë e përkushtimit.

Berisha ka thënë se ish-presidenti ishte burrështetas i shquar, që përfaqësoi kombin me dinjitet.

“Ish presidenti Bujar Nishani, ishte ikone e vlerave me te larta morale te njeriut, ndershmerise, atdhetarise dhe perkushtimit. Ai ishte burreshtetasi i shquar, qe perfaqesoi kombin dhe Shqiperine me dinjitet te veçante dhe urtesi ne arenen nderkombetare duke i dhene nder dhe vlere institucionit te presidentit, shtetit dhe qytetareve shqiptare.Ish presidenti Bujar Nishani ne keto 30 vite, si nje sherbetor i qytetarve dhe vendit te tij permbushi me nder detyra te rendesishme nga drejtues drejtorie ne Ministrine e Mbrojtjes, minister Drejtesie, minister i Rendit Publik dhe deri ne President i Republikes. Bujar Nishani ishte gjithashtu nje drejtues i shkelqyer dhe efiçent e i dashur i Partise Demokratike, deputet, minister, dhe kandidat i votuar per president te Republikes nga mazhoranca e kesaj parti..”, u shpreh Berisha.