Ministria për Evropën dhe Punët e Jashtme do të mbajë javën e ardhshme një konferencë në lidhje me rolin e Shqipërisë në promovimin e interesave të shqiptarëve në të gjithë rajonin e ballkanit perëndimor.

Deri këtu nuk ka asgjë të keqe, por nëse shikon axhendën e konferencës sheh menjëherë se diçka nuk shkon. Ministri i Jashtëm në detyrë Gent Cakaj rezulton të jetë i vetmi folës në të gjithë konferencën që do të zgjasë rreth 4 orë.

Madje Cakaj do të hapë konferencë me fjalim, do ta vijojë me dy fjalime të tjera ‘përmbajtësore’ dhe do ta mbyllës sërish me një fjalë, pra 4 fjalime.

Të vetmet raste kur dikush tjetër do të mund të flasë janë dy momente jo më shumë se 5 minuta secila.