Të tjera detaje kanë dalë në dritë nga plagosja e 65-vjeçarit në Lushnje.

Mësohet se Faik Veliu ka qenë duke u shërbyer bagëtive dhe sapo ka dalë nga dera e kasolles është qëlluar me armë zjarri kallashnikov nga i vëllai, Flamuri.

Faiku ka marrë tre plumba në trup, një në gjoks dhe dy në bark dhe po trajtohet në spitalin e Traumës në Tiranë.

Autori i dyshuar i plagosjes, i vëllai Flamur Veliu, u arrit të kapej nga policia, por mbetet mister arsyeja e konfliktit.

Bnorët e fshatit, të cilët i kanë dhënë ndihmën e parë të plagosurit,  thonë se nuk kanë dijeni për konflikte mes dy vëllezërve.

“Lashë lopatën dhe pashë të vëllain që po ikte me makinë, gratë ulërinin. Atë po e nxirrnin i vëllai dhe nipi. E ndihmova dhe çuam në Lushnje.”, tha njëri nga banorët.