Stavri Vasilovski, 45 vjeç, i cili dyshohet se është mbytur në liqenin e Prespës, ishte punonjës mirëmbatje në Bashkinë e Pustecit.

Burime për Ora News, bëjnë me dije se peshkatarët dhe banorët e zonës, kanë dalë në kërkim të 45-vjeçarit, që kishte dalë për peshkim por që nuk u kthye, më pasi anija e tij u përmbys në det.

Mësohet se drejt vendit të ngjarjes janë nisur dhe forcat e Polumbarëve.

Ngjarja ka ndodhur në orët e para të mëngjesit ku Vasilovski, i cili kishte dalë gjatë mbrëmjes për të peshkuar, si pasojë e dallgëve të forta të liqenit, i është përmbysur varka dhe dyshohet se mund të jetë mbytur.