Policia e Shkodrës ka zbuluar dhe asgjësuar 500 fidanë të dyshuar narkotikë kanabis sativa të mbjellë në një ambient të hapur në zonë e Vaut të Dejës.

Bimët e kanabisit u zbuluan përmes kontrolleve me dron dhe u asgjësuan me anë të djegies.

“Shërbimet e Komisariatit të Policisë Vau i Dejës, në bashkëpunim me specialistët e Seksionit për Hetimin e Narkotikëve të DVP Shkodër, si rezultat i kontrolleve me dron, të zhvilluara në kuadër të operacionit policor të koduar “Ashta”, kanë konstatuar në fshatin Ashtë, Shkodër, përgjatë bregut të lumit Drin, një ambient të hapur (pronë publike), ku ishin mbjellë në kubikë, rreth 500 fidanë të dyshuar narkotikë cannabis sativa. Një pjesë e vogël e fidanëve u sekuestrua në cilësinë e provës materiale, ndërsa pjesa tjetër u asgjësua me anë të djegies”, thotë policia.

Vijon puna për identifikimin dhe arrestimin e autorit/ëve të kësaj veprimtarie kriminale.