Në fshatin Shënvlash të Durrësit, dyshohet se djali ka vrarë babanë e vet.

Krimi dyshohet të ketë ndodhur më 13 gusht 2024, datë në të cilën ishte denoncuar zhdukja e 62 vjeçarit, E.B.

“Klan TV” raporton se i biri i të ndjerit, E.B. pasi i ka marrë jetën babait të tij, e ka hedhur kufomën në pus. Ende nuk dihen më shumë detaje mbi vrasjen, ndërsa pritet që policia të dalë me një njoftim zyrtar.

Siç raporton ky medium, Policia e Durrësit ka arritur që të zbardhë ngjarjen e rëndë pasi ka patur dyshime që në fillim për krim brenda familjes.

“Hetuesit kanë përgjuar komunikimet telefonike dhe mesazhet e autorit ku më pas kanë zbardhur ngjarjen e rëndë. Autori pas arrestimit ka pranuar krimin duke thënë se vrau të atin pasi ky i kishte marrë shuma parash”, raporton Klan TV

Kujtojmë se më 23 shkurt të këtij viti, po në të njëjtin fshat u gjet i vrarë e i groposur 50-vjeçari Pëllumb Meta. Të arrestuar për ngjarjen e rëndë ishin 3 fëmijët e tij, vajza dhe dy djemtë.