Të izoluar, në pamundësi financiare dhe të sëmurë, çifti I të moshuarve Shabani në Durrës kërkon ndihmën e pushtetit vendor për tu siguruar ushqime dhe ilaçe.

Prej ditësh qëndrojnë të izoluar, por shprehen se nuk u kanë trokitur në derë për ti ndihmuar në këtë situatë emergjencë.

Durres- Në masat antikovid mosha e tretë e ka të ndaluar absolutisht të dalë nga banesa deri në kalimin e emergjencës covid 19.

Në Durrës Selman Shabani është 93 vjeç dhe bashkëshortja e tij Servetja 84 vjeçe kanë respektuar masat, por thonë se për të jetuar u duhet që bashkia ti përgjigjet kërkesave të tyre

“jemi të sëmurë. Dy pensionistë ju lutem më ndihmoni. Më merret frymë nuk mund të bëj pazarin.”

Servetja është e sëmurë dhe mezi mbushet me frymë. Faturat po ashtu i rëndojnë në këtë situatë të vështirë

“24 mijë lekë paguam ujë e drita këtë herë, na iku pensioni. Fatura nuk vijnë.”

Ekipet e ngritura, sikurse është deklaruar duhet të qëndrojnë më me përgjegjësi afër kësaj shtrese të shoqërisë e cila ka nevojë për ndihmë.