Nëntë persona janë plagosur nga dy aksidente që janë regjistruar mbrëmjen e sotme në Pogradec dhe në Lezhë.

Në aksin Lezhë-Milot pranë urës mbi lumin Drin rreth orës 17:15 u përplasën dy makina.

Nga aksidenti mbetën të plagosur gjashtë persona, nga të cilët dy janë më rëndë. Të plagosurit janë transportuar në spital për ndihmë. Si pasojë e aksidentit u bllokua aksi në të dy anët për më shumë se 30 minuta, raporton shqiptarja.com.

Ndërkohë që në Pogradec në afërsi të tunelit panoramik, nga përplasja e fortë e dy makina mbetën të plagosur dy drejtuesit dhe një pasagjer. Të plagosurit mësohet se janë jashtë rrezikut për jetën.

Vetëm në 12 ditët e para të vitit 2020, gjashtë persona kanë humbur jetën nga aksidentet dhe disa të tjerë kanë mbetur të plagosur. Pavarësisht ndërrimit të viteve, situata vijon që të jetë e njëjta me statistika të frikshme.