Një sherr i çastit që vijoi me përdorimin e armës së zjarrit i ka kushtuar jetën një 32-vjeçari në qytetin e Durrësit.

Ngjarja ka ndodhur pak minuta më parë në lagjen nr.16 të qytetit bregdetar ku pas një konfliktit të çastit mbeti i plagosur në këmbë 32-vjeçari me iniciale J.B.

Ai u dërgua me urgjencë në spital ku pas pak minutash ndërroi edhe jetë, raporton Ora News.

Në ambientet e Policisë janë shoqëruar disa shtetas të cilët ndodheshin në vendin e ngjarjes.

Nga ana e Policisë janë ngritur disa pika kontrrolli dhe po bëhet krehja e zonës, grupi hetimor ndodhet në vendngjarje dhe po punon për identifikimin dhe kapjen e autorit.