Fieri është kthyer në vatrën e re të koronavirusit në Shqipëri. 6 anëtarët e një familjeje në Çeligrad kanë rezultuar pozitivë me Covid-19, mes tyre kryefamiljarët e moshuar dhe një fëmijë 10-vjeçar.

Vetëm anëtari i shtatë i kësaj familje ka rezultuar negativ, duke shtuar misterin për këtë virus vdekjeprurës.

Ndërkohë ka nisur dezinfektimi i lagjes ku ata banonin për të evituar kështu përhapjen e mëtejshme të virusit.

“Harta e të prekurve nga COVID-19 zgjerohet në Tiranë me 9 raste, Elbasan 1 rast, Fier 6 raste dhe Shkodër 1 rast”, njoftoi sot Albana Fico nga ISHP.
Shqipëria aktualisht numëron 400 raste pozitive me Covid-19.