Kryeministri i Shqipërisë, Edi Rama, ka shpeshtuar postimet e tij me thënie fetare.

Që nga 26 nëntori i vitit 2019, dita kur Shqipëria u godit nga një tërmet i fuqishëm prej 6.4 shkallësh, kryeministri shqiptar, Edi Rama, ka filluar publikimin e thënieve të ndryshme fetare në profilin e tij zyrtar në rrjetin social Facebook, përcjell lajmi.net.

Edhe këtë të hënë, kreu i ekzekutivit shqiptar, Edi Rama, ka filluar ditën me një fjalë nga e shenjta Nënë Terezë.

“Paqja fillon me një buzëqeshje”, është fjalë e Shën Terezës që ka zgjedhur kryeministri Rama dhe e ka postuar në profilin e tij zyrtar në rrjetin social Facebook.