Ditën e djeshme u nda nga jeta Aneta Rama, e ëma e kryeministrit të Shqipëris, Edi Rama.

Pas ngushëllimeve të shumta, kryeministri Rama ka reaguar sërish në rrjetet e tij sociale duke postuar edhe një foto të papublikuar më parë, në krah të nënës së tij.

“Zemra jote mund të jetë bosh sepse nuk e sheh dot më

Ose ti mund të jesh plot me dashurinë që ndave me të…”- shkruan Rama duke falenderuar njerëzit që e mbështetën dhe e kujtuan në një ditë të vështirë si ajo.

Postimi i plotë i Ramës:

Mund të derdhësh lot pse iku

Ose mund të buzëqeshësh sepse jetoi

Mund të mbyllësh sytë e të lutesh që të kthehet

Ose mund t’i hapësh e të shohësh gjithçka të ka lënë

Zemra jote mund të jetë bosh sepse nuk e sheh dot më

Ose ti mund të jesh plot me dashurinë që ndave me të

Mund t’ia kthesh shpinën të nesërmes dhe jetosh në të djeshmen

Ose mund të jesh i gëzuar me të nesërmen për çka ishte e djeshmja me të

Mund ta kujtosh atë vetëm për ikjen e saj

Ose mund të kujdesesh për kujtimin e saj që ajo të jetojë në të

Mund të qash e të mbyllesh në vete, bosh e me kurriz nga bota

Ose mund të bësh atë që nëna do të donte: Të hapësh sytë, të qeshësh, të duash dhe të ecësh përpara

***Edhe në emër familjes sonë lejomëni t’ju falenderoj përulësisht, për praninë tuaj të paçmueshme përmes mesazheve të pafundme e luleve të panumërta, që disi e lehtësuan peshën ndrydhëse të boshllëkut tonë të pangushëllueshëm.

Duke ju kërkuar një ndjesë të thellë për të qenit i pamundur t’ju përgjigjem, ju uroj me shpirt të gjithë atyre që jetojnë me këtë boshllëk, të rrojnë sa më gjatë që ta kujtojnë nënën e tyre dhe të tjerëve që kanë fatin ta kenë pranë yllin e shtëpisë, t’i kenë nënat sa malet dhe t’i gëzohen sa më shumë dritës së tyre, të pakonkurueshme as nga dielli e nga vetë yjet e qiellit?

https://www.facebook.com/edirama.al/photos/a.10151850199621523/10158025476621523/?type=3&__xts__%5B0%5D=68.ARCnFVRk0qpvy6BNBAH-x4LTcEliGWXCBlzYY-BN_jADRSNGwEzPsrXkOlRsXtMxI-ibtr_H2aW95oyJS0sl_zshuXI2eJAfW-Hxucot9ty__tJd7GM3o5KWX1OalwjZaKSDWrXCKZSNzpY2Bat8feMX0kOD0lDqKhYgyYVzUBXZbcnjuoed2ehvlvxbNYDxKD46c1zK-FEDRamAcc4SscrZQ1bwwl9L9Oae9f2lzz4gO9XYVyOOlX8NORot1bKc7Elyl9N3IoTnxK0KQpH4jcgabDtxMUMVCG6c5MJncUgwqc8GVu3YdnxMAgXnScqlP2hobkrYMVRIfrQDeTpl&__tn__=-R