Një përplasje ka ndodhur mbrëmë në emisionin “Open”, të Top Channel mes udhëheqëses Eni Vasili dhe një prej të ftuarve, avokatit Spartak Ngjela, derisa po flisnin për punën e ndërtimeve në Shqipëri, konkretisht në zonat e prekura nga tërmeti.

Avokati Ngjela ishte i papërmbajtshëm në këtë emision dhe në një moment udhëheqësja Vasili i tha se “njeri më pa edukatë nuk ka parë”, shkruan Reporteri.net.

Pjesë nga debati mes tyre:

Spartak Ngjela: Më lini moj të flas, se nuk e njihni ju zonjë fare tregun.

Eni Vasili: Mirë vazhdo avokat se vetëm ti di çdo gjë. Po na bën sikur po jep zgjiidhjen e shekullit.

Spartak Ngjela: Zonjë, po flasim kush do t’i blejë, shteti nuk humbet. Kupton, nuk po më ndjek. Janë 300 milionë euro, hidhen në treg, pronari i përdor në treg.

Eni Vasili: Këtë gjë thoshte dhe materiali jonë filmik.

Spartak Ngjela: Dale moj, lëre materialin, materiali thotë, më tregon materialin.

Eni Vasili: O zot, njeri më pa edukatë nuk kam parë!