Këtë të martë i gjithë territori i Shqipërisë ndodhet “nën pushtetin” e erërave të forta dhe stuhive, teksa në qytetin e Vlorës era ka marrë përpara disa pemë, madje edhe shtylla tensioni.

Si pasojë e erës disa shtylla elektrike janë rrëzuar apo kanë dalë jashtë përdorimit në nënstacionin e Rradhimës. Rënia e shtyllave ka lënë pa drita disa zona në Dukat, Tragjas e Llogara.

Ndërkohë qarkullimi në rrugën e Llogarasë është bërë thuajse i pamundur për shkak të motit të keq dhe rrezikshmërisë që paraqet për drejtuesit e mjeteve.

Në zonën bregdetare, porti i Vlorës ka njoftuar mbi pezullimin e tragedit të linjës Brindisi (Itali)- Vlorë, ndërsa për shkak të erës së fortë dallgët shkojnë deri në 2 metër.

Më poshtë disa nga pamjet e përcjella nga Report.