Kryetari i Bashkisë së Tiranës, Erijon Veliaj, ka bërë të ditur se ka nisur ndërtimi i shtëpisë së familjes Lala në fshatin Pinal, mirëpo e gjithë kjo me ndihmën e këngëtarës me famë botërore, Rita Ora.

Veliaj pak para disa orëve ka vizituar familjen duke e njoftuar familjen se shtëpia duhet të fillojë punimet që nga sot, shkruan Reporteri.net

“Dëshira e Rita Orës ka qenë që shtëpia të fillojë ndërtimet që tani, e që shtëpia të jetë gati për Vitin e Ri”, ka thënë Veliaj.

Kujtojmë që edhe për shumë shtëpi të tjera është deklaruar se duhet të rindërtohen nga tërmeti që goditi Shqipërinë, teksa kryeministri i Shqipërisë Edi Rama ka thënë se duhet të bëhen konfirmimet se çfarë niveli të dëmeve kanë dhe pastaj të fillojë rindërtimi.

Reporteri.net