Ambasadorja e SHBA-së në Tiranë, Yuri Kim bëri një deklaratë befasuese kur u distancua nga përdorimi i flamurit amerikan në protestën e thirrur nga presidenti Ilir Meta.

Ky është rasti i parë në 30 vite që një ambasador i SHBA-së reagon për përdorimin e flamurit në një protestë në Shqipëri.

I ftuar në Syri Tv, presidenti Meta u pyet për këtë zhvillim, por ai refuzoi të përgjigjej.

“Nuk e di se për çfarë deklarate bëhet fjalë, se nuk kam pasur kohë të ndjek se kam pasur në selinë e presidencës shumë personalitete që ndoqën këtë manifestim. Kam zero koment për këtë deklaratë. U habita që pas meje ishte një flamur dhe që kishte shumë shqiptaro-amerikanë pas meje. Pyesni zyrën time për shtyp për më shumë”, u shpreh Presidenti.