Shqipëria vazhdon të përjetojë momente ankthi pas tërmetit që ndodhi sot në ora 21:53 dhe që kishte magnitudë prej 4.5 shkallë të rihterit

Një person i moshuar po refuzon të largohet nga banesa e tij edhe pse e ka dëgjuar tërmetin e fundit, shkruan Reporteri.net

Ai familjen e tij e ka dërguar në një vend më të sigurt, por vetë refuzon të largohet nga banesa. Ai është i vetmi që po qëndron në këtë ndërtesë.

Gazetarja e Top Channel pas tërmetit shkoi e vizitoi të moshuarin, ani pse të pranishmit në studio të emisionit OPEN i thanë që të mos shkonte pas ishte rrezik.

“Anila u fute brenda prapë,”

“Anila mos u fut brenda,” dëgjohen duke thënë të pranishmit në studoi gazetares e cila tashmë kishte mbërritur në banesën ku po qëndronte i moshuari.

I moshuari tha se po i lutet Zotit që të mos ketë më tërmete.

“Jam i vetmi në pallat, këtu ku banojmë ne s’ka më njeri tjetër. E kam dëgjuar tërmetin, por nuk u tremba vetëm thashë ‘O Zot na fal, mos na mundo më’,” ka thënë i moshuari. /Reporteri.net/