Një ngjarje e rëndë ka ndodhur në Shkodër këtë të mërkurë. Një shtetase amerikane është gjetur pa shenja jete në një hostel ku banonte me qira.

36-vjeçarja ishte banuese në Teksas të SHBA-së.

Sipas mediave në Shqipëri, viktima dyshohet se ka konsumuar mbizdozë ilaçesh.

Në vendngjarje kanë shkuar menjëherë shërbimet e Policisë dhe grupi hetimor dhe nga këqyrja paraprake e trupit të 36-vjeçares, nuk janë konstatuar shenja dhune.

Grupi hetimor vijon punën për sqarimin e plotë të rrethanave të kësaj ngjarjeje.

Njoftimi i plotë:

SHKODËR- Një 36-vjeçare është gjetur pa shenja jete në hostelin ku banonte me qira në qytetin e Shkodrës. Policia thotë se viktima është banuese në Texas në Shtetet e Bashkuara të Amerikës.

Ajo është gjetur e vdekur nga nëna e saj, ndërsa paraprakisht dyshohet se ka ndërruar jete nga mbidoza e ilaçeve. Nga këqyrja paraprake e trupit të viktimës nuk janë konstatuar shenja dhune./abcnews.al