Një ngjarje e rëndë ka ndodhur në qytetin e Fushë-Krujës.

Mësohet se shtetasi me iniciale ‘O.O.’, 16 vjeç ka goditur me thikë vëllain e tij.

Bëhet me dije se ata kanë pasur një konflikt me njëri-tjetrin, i cili ka derivuar deri në këtë pikë.

Ndërkohë policia ka mbërritur në vendngjarje dhe po punon për zbardhjen e plotë të ngjarjes.

Njoftimi i Policisë:

Goditi vëllain me thikë, arrestohet në flagrancë 16 vjeçari.

Arrestohet dhe një shtetas kosovar pasi tentoi të kalojë kufirin me dokumente të falsifikuara.

Specialistët për hetimin e krimeve në Komisariatin e Policisë Krujë, arrestuan në flagrancë shtetasin e mitur: O.O.,16 vjeç, banues në Luz, Fushë-Krujë. Ky shtetas pas një konflikti të çastit për motive të dobëta, ka goditur më mjet prerës (thikë) vëllain e tij shtetasin A.O.,22 vjeç. Në cilësinë e provës materiale u sekuestrua mjeti prerës (thikë).