Arben Ishmaku, 42 vjeç, është personi i cili u gjet mëngjesin e sotëm i pajetë pranë biznesit të tij.

Dëshmitarët në vendngjarje bëjnë me dije se bashkëshortja e viktimës kur ka mbërritur në vendngjarje ka bërtitur: “Ma bëri ajo ku*va”, raporton Top channel.

Pranë trupit të tij u gjet edhe një çifte. Policia ka nisur hetimet, por nga verifikimet paraprake thanë blutë nuk janë konstatuar shenja dhune a dëmtime të tjera në trupin e 42 vjeçarit.

Panorama bën me dije se “42 vjeçari është gjetur i vdekur brenda një dyqani që e ka në pronësi të tij teksa ka shitur lule. Në trup nuk ka asnjë plagë por është gjetur i pajetë ndërsa policia ka gjetur edhe një armë çifte brenda dyqanit. Po ashtu bëhet e ditur se janë gjetur një numër i konsiderueshëm cigaresh të konsumuara nga ky shtetas. Dyshimet e para janë për një vetëhelmim por policia vijon hetimet për ta zbardhur të plotë”.

Njoftimi i policisë

Me datë 24.10.2019, në orën 11:15, në rrugën nacionale Shkodër – Bushat, në afersi të një mobilerie është gjetur pa shenja jete shtetasi A. Sh. vjeç 42, banues në fshatin Melgushë, Shkodër

Nga verifikimet paraprake nuk konstatohen shenja dhune a dëmtime të tjera.

Grupi hetimor po punon për sqarimin e rrethanave të kësaj ngjarje.