Hakmarrja “fut” në dhe 3 vëllezër në Shkodër. Prek Tonaj që u vra sonte është i treti, ndërsa 2 vëllezërit e tij janë vrarë para vitit 2005.

Prek Tonaj ka lënë pas vetës 4 fëmijë.

Policia shqiptare njoftoi se bën me dije se ngjarja ka ndodhur në ambientet e një lokali ndërkohë që në vendngjarja ndodhet policia dhe grupi hetimor.

“Më datë 13.02.2022, rreth orës 19:15, në fshatin Grudë e Re, Shkodër, në rrethana ende të paqarta, në ambientet e një lokali, është vrarë me armë zjarri shtetasi P. T., 47 vjeç, banues në Grudë, Shkodër.”- njofton policia.

Janë ngritur pika kontrolli dhe vijon krehja e zonës, për të bërë të mundur kapjen e autorit/ëve.