Në gjimnazin “Janaq Kilica” në Fier, aty ku u helmuan 42 nxënës shkoi sot edhe ministrja e Arsimit besa Shahini.

Ajo u shpreh se kjo situatë është e patolerueshme dhe se duhen marrë masa për personin përgjegjës.

“Kjo ka lidhje me një pajisje te përdorur nga nxënësit, edhe herën e parë edhe tani. Herën e parë e pamë si pakujdesi nga nxënësit që kanë dashur të bëjnë një sherr në shkollë. Por kjo tani është e patolerueshme, do marrim masat e nevojshme, policia dhe prokuroria kanë parë rastin, do gjejnë ata që e bënë , do shohim kamerat dhe çdo gjë tjetër.

Do marrim masa që mos të përsëritet më. Është e papranueshme. Shkolla do të marrë masa ndaj nxënësve, për më tepër do flasë policia. Do kemi më shumë oficerë policie dhe më shumë kamera në shkollë”, tha Shahini.