Holanda duket se ka ndryshuar qëndrim lidhur me hapjen e negociatave për Shqipërinë me Bashkimin Evropian.

Mediat holandeze raportojnë ditën e sotme se Parlamenti i Holandës mbështet nisjen e bisedimeve, duke cituar se “Shqipëria ka bërë përparim të mjaftueshëm për fillimin e bisedimeve me BE”.

Sipas disa prej politikanëve, që kanë qenë kundër integrimit të Shqipërisë, tashmë “Është bërë përparim në fusha të tilla si sundimi i ligjit dhe lufta ndaj korrupsionit”, raportojnë mediet holandeze.

Duket se pas këtij qëndrimi pozitiv të shprehur nga qeveria holandeze, duke marrë parasysh edhe deklaratat e kryediplomatëve të vendeve si Gjermania, Austria dhe Italia, duket se Shqipërisë do t’i hapet rruga në mbledhjen e 22 Qershorit të Këshillit Europian për çeljen e kuadrit negociues, që do të pasojë konferencën e parë ndërqeveritare.