Ish-deputetja e Kuvendit të Kosovës, Myzejene Selmani, aktualisht këshilltare në Ministrinë e Punëve të Brendshme ndërsa ka komentuar situatën aktuale në Shqipëri, thotë se ky shtet është futur në një krizë të madhe politike, krizë e cila po afishohet përmes një alarmi të SHBA-së, por edhe vendeve tjera për kujdesin që duhet të kenë shtetasit e tyre.

Alarmin nga SHBA, Selmani e sheh imazh të rëndë për Shqipërinë, ndërsa i bën apel politikës shqiptare të reflektojë dhe të mos cenojë imazhin e vendit dhe dinjitetin e qytetarëve të saj brenda dhe jashtë.

Postimi i plotë i Selmanit:

Politika në tension të lartë, nuk i nevojitet shqiptarëve.

Shqipëria është future në një krizë të madhe politike, krizë e cila e cila po afishoshet përmes një alarmi të SHBA por edhe vendeve tjera për kujdesin që duhet të kenë shtetasit e tyre në Shqipëri.

Ai i duhet kjo Shqipëris por edhe Kosovës e cila është në një moment delikat kur cdo ditë ka pretendimi të cenimit të sovranitetit të saj.

Është një imazh i rëndë për Shqipërin kur përfaqësues të prezencave diplomatike në Tiranë u drejtohen shtetasve të tyre me apelin ti shmangen çdo zone ku ka shenja dhune në prag të zgjedhjeve. Shqipërisë më së paku i nevojitet kjo.

Aq më pak kur sezona e verës ka filluar dhe pa dyshim që goditjen më të madhe do ta pësojë resursi kryesor i të hyrave ai i turizmit.

Në vend që të mbahet një tryezë rreth daljes nga kriza dhe nga shmangia nga veprimet e dhunshme realisht partitë shqiptare tash e sa kohë janë shëndruar në Shoqata gjuetarësh, kush kë po qëllon i parti.

Tiranës zyrtare i duhet një politikë nacionale stabile dhe që palët e përfshira në krizë ti vendosin interesat e vendit mbi ato të subjekteve partiake.

Mos të na vije pastaj befasi që në procesin e integrimit evropian, të ketë ndonjë shkëputje të vendit nga vendet e tjera lidhur me momentin e çeljes së negociatave.

Shqipërisë i duhet një platformë përmes së cilës do ti vihej kapaku krizës politike dhe ti jepet fund shprehjeve luftë nxitëse e përçarëse. Nuk i duhet kjo shqiptarëve.

Duhet të reflektojë politika dhe të mos cenojë imazhin e Shqipërisë dhe dinjitetin e qytetarëve të saj brenda dhe jashtë vendit.

Si qytetare e Kosovës më së paku e dëshirojmë një gjë të tillë. Kjo do ishte dëshira më e madhe siç edhe ka qenë gjithmonë.