Italia është goditur nga breshëri gjigand, i cili ka sjellë dëme të shumta në disa qytete dhe përgjatë autostradës midis Piacenza dhe Parmës, në Italinë veriore.

Pamjet e breshërit gjigand kanë bërë xhiron e rrjetit. Në videot që ilustrohen në vijim tregohen momentet e frikshme të fenomenit natyror i cili ka sjellë edhe dëme të mëdha materiale, por edhe persona të lënduar në mbarë vendin.

Një pronar dyqani 78-vjeçar u plagos në komunën Luzzara të Reggio Emilia, pasi moti i tmerrshëm shkaktoi që dritarja e dyqanit të tij të binte mbi të.

Raportohet se burri është shtruar në spital, ku po merr ndihmën e nevojshme mjekësore.

Ndërkohë, tre persona të tjerë u plagosën gjithashtu në Modena, pasi furgoni i tyre u godit nga një prej shumë pemëve që binin.