Policia e Sarandës ka arritur të arrestojë një 46 vjecar i cili u kap në flagrancë duke vjedhur në një hotel në Livadhja.  

“Vihet në pranga 46-vjeçari që u kap në flagrancë nga shërbimet e Policisë, në mesnatë, duke vjedhur 3 televizorë dhe sende personale të pushuesve, në hotel”, thuhet në njoftim të policisë.

Sipas policisë, janë sekuestruar 3 televizorët dhe mjetet e përdorura nga autori për të kryer vjedhjen.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme.