Qyteti i Vlorës është blinduar nga Forcat e Ndërhyrjes së Shpejtë, pasi po negociohej me një të ri, tashmë të arrestuar, i cili ishte mbyllur në lokal dhe kërcënonte se do të bënte ndonjë veprim nëse afroheshin uniformat blu.

I riu raportohet se ishte përfshirë më herët në një konflikt në po të njëjtin vend dhe me afrimin e policisë, vendosi që të mbyllej brenda në lokal.

Në fillim lidhur me ngjarjen u raportua se bëhej fjalë për një pengmarrje të familjes së personit, identiteti i të cilit ende nuk bëhet me dije. Sipas policisë nuk bëhet fjalë për një pengmarrje dhe i riu vuan nga probleme të shëndetit mendor.

“Nuk ka pengmarrje në Vlorë, është një i ri që është i sëmure nga shëndeti mendor dhe është mbyllur në tualet e lokalit ka dhe një gërshëre në dorë, forcat e policisë po negociojnë me të për ta nxjerre pa dëmtime”, njoftoi policia.