Një përplasje fizike mes dy vajzave është regjistruar ditën e djeshme në Tiranë.

Sipas një video të publikuar nga ‘JOQ ALBANIA’, vajzat e përfshira janë rreth moshës 16-vjeç dhe ato janë konfrontuar fizikisht për një djalë. Një nga vajzat dhunon tjetrën, ndërsa dy shoqet e saj e filmojnë.

Vajza, e cila dhunohet kërkon vazhdimisht falje, por kjo nuk e ka penguar adoleshenten tjetër që të mos e godasë.

Kujtojmë se ngjarje të tilla po shënohen shpesh në Shqipëri. Shumë herë janë publikuar pamje të adoleshentëve që konfliktohen në ambientet e shkollave për motive të dobëta.