Koronavirusi ka shkaktuar një tragjedi në një familje në Tiranë. Dy vëllezër kanë humbur jetën brenda pak orësh në një prej spitaleve Covid.

Lajmi është bërë publik nga pedagogu i ekonomikut Afrim përmes rrjetit social “Facebook”, ku tregon humbjen e vëllezërve.

“Covid me mori vëllain. Më dhemb shpirti. Rregulli e do që të shkojë në banesën e fundit sipas protokollit të zi të Covid. I mirëkuptoj të gjithë”- shkruan ai fillimisht.

Disa orë më vonë, Osmani shkruan se ka humbur edhe vëllanë tjetër, Arjanin.“Covid e mori edhe vëllain tjetër Arjanin. Tmerr pa fund”- shkruan më tej.

Prej disa javësh në vendin tonë situata e pandemisë është përkeqësuar. Në 24 orët e fundit u shënuan 410 të infektuar, ndërsa humbën jetën 8 qytetarë