Kryeministri Edi Rama shquhet për veshjen e tij të pazakontë në radhët e diplomacisë ndërkombëtare. Nuk ka se si të ishte ndryshe as në Samitin e Berlinit, që u mbajt këtë javë.

Rama duket se parapëlqen atletet e markës “Adidas”, të cilat i zgjedh edhe për paraqitjet e tij ndërkombëtare.

Në Samitin e Berlinit, ai kishte veshur një kostum më të gjerë, të cilin e ka kombinuar me atletet e markës së “tri vijave”.

Kryeministri shqiptar zakonisht dallon nga bashkëpjesëmarrësit në ngjarjet ndërkombëtare për nga veshja e tij. Kështu duket edhe në një fotografi të shkrepur gjersa po diskutonte me kancelarin gjerman, Olaf Scholz dhe Presidentet e Komisionit Evropian, Ursula von der Leyen.

Rama atletet e njëjta i ka veshur edhe gjatë daljeve të tij në terren, në Shqipëri.