Janë publikuar pamjet e momentit kur një qytetar godet me grusht në mes të protestës kreun e PD-së, Sali Berisha.

Qytetari, identiteti i të cilit nuk dihet ka ndërhyrë mes turmës dhe e ka goditur me grusht në fytyrë Berishën.

Truprojat kanë ndërhyrë menjëherë duke e goditur personin në fjalë, teksa siç raportohet Berisha ka pësuar edhe lëndime në hundë.

Protesta e opozitës në Tiranë po zhvillohet ndërkohë që në anën tjetër në kryeqytetin shqiptar, është duke u mbajtur Samiti BE-Ballkani Perëndimor, samit ky që për herë të parë organizohet në një nga vendet e rajonit.