×
  • Lajme
  • Shqipëria

    Lezhë, polici i burgut të Shënkollit me coronavirus

    Reporteri
    18 Qershor 2020 | 13:18

    Pas më se 2 muaj qetësi, koronavirusi COVID-19 është rikthyer sërish në Lezhë. Para rreth një jave dolën pozitiv me COVID-19 një grua se bashku me fëmijën e saj 7 vjeç, sipas epidemiologëve lezhjanë, infeksionin e kishin marrë në Pukë në një tubim familjar.


    Sot në Lezhë ka dalë një person tjetër pozitiv. Bëhet fjale për një polic që shërben në burgun e Shënkollit.

    Sipas epidemiologeve dyshohet se polici në fjalë është infektuar nga i biri, i cili është kthyer para disa kohësh nga Italia. Ai është testuar dy herë dhe në testin e dytë ka dalë pozitiv.

    Vala e parë e infeksionit COVID-19 në Lezhë ka prekur 14 persona, fatmiresisht të gjithë në gjendje të mirë.

    Me të infektuarit e valës së dytë, numri i përgjithshëm i të infektuarve me COVID-19 në teritorin e Bashkise Lezhë shkon në 17 persona.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2025. Të gjitha të drejtat e rezervuara.

    Linku i lajmit u kopjua!