Kryeministri Edi Rama ka bërë të ditur se një sasi me 31,590 doza vaksine Pfizer kanë mbërritur këtë të hënë në aeroportin e Rinasit.

Me vaksinat e fundit, kryeministri thekson se deri tani, në Shqipëri kanë ardhur më shumë se 2 milionë doza, ndërsa përsërit edhe një herë tjetër thirrjen për qytetarët që të vaksinohen.

“Me 31,590 doza vaksine Pfizer që mbërritën pak më parë në Aeroportin “Nënë Tereza”, arrijmë në total në mbi 2 milion vaksina AntiCovid të ardhura deri tani në vendin tonë. Vaksinohuni, vaksinohuni, vaksinohuni. Vaksinat shpëtojnë jetë”.