Ministrja e Drejtësisë, Etilda Gjonaj ka çuar sot në Kuvend një draft ku kërkohet dënim me burg të atyre që bëjnë meme për personazhet publike, pa lejen e tyre.

Nëse miratohet ky draft, faqet dhe personat që bëjnë meme pa pëlqimin e tij ose asaj që kanë si target do të dënohen me një vit burg.

Ja çfarë parashikon drafti:

“Cenimi i imazhit të personit

1. Publikimi në çdo formë, mënyrë apo mjet i një montazhi të realizuar me fjalët ose imazhin enjë personi pa pëlqimin e tij, nëse kryhet për qëllime përfitimi material ose jo material, apo kur ka qëllim të dëmtojë reputacionin e një personi, kur materiali nuk shfaqet dukshëm që është një montazh ose nëse nuk përmendet shprehimisht se është i tillë, përbën kundrvajtje penale dhe dënohet me burgim deri në 1 vit.

2. Ndjekja penale fillon me ankim të viktimës ose përfaqësuesit ligjor të saj dhe pushon me tërheqjen prej saj.