Ministrja e Mbrojtjes, Olta Xhaçka është në pritje të ëmbël për herë të dytë, ndërsa nuk dihet ende gjinia e fëmijës.

Ashtu si pothuajse çdo politikan, edhe Xhaçka është shkëputur nga politika gjatë këtij muaji për të shijuar pushimet, para nisjes së sezonit të ri politik.

Ministrja është fotografuar në plazhin e Jalës me bashkëshortin, Artan Agaçi dhe vajzën e saj, Hana.

“Dosja.al” e ka fotografuar Oltën në det me rroba banjoje blu, teksa në sy bie barku i rrumbullakosur.

Tre vite më parë, Xhaçka u bë mama për herë të parë, më 14 shkurt, në ditën e Shën Valentinit.

Ministrja është e martuar me deputetin e Partisë Socialiste, Artan Gaçi, me të cilin lidhi kurorë në 2014-ën, me një ceremoni te Kalaja e Petrelës.