Gazmend Koduzi kreu i Departamentit të Shëndetësisë në PD u shpreh se Shqipëria është vendi i fundit në rajon për aplikimin e testeve.

Ai theksoi se duhen respektuar masat higjienike dhe distanca fizike është shumë e rëndësishme për parandalimin e virusit.

“Shqipëria duhet të ishte hapur që në prill. Duke parë të gjitha shifrat zyrtare. Në fund të marsit, pothuajse ka arritur nën 1. Shqipëria ka qenë një nga vendet e para me ashpërsinë e masave. Dhe nuk ka qenë e nevojshme që masat të merreshin kaq gjatë. Nuk e zhdukim dot virusin, ai do të jetë prezent. Por duhet treguar kujdes dhe duhen respektuar masat”, theksoi Koduzi ne abc.

Më tej Koduzi u shpreh se pandemia ka shkaktuar pasoja të tjera duke filluar nga ekonomia, apo edhe pasoja psikologjike.